Avropa nəhəngi Rusiyadan titan alışını dayandırır

   Avropa nəhəngi Rusiyadan  titan alışını dayandırır
  02 Dekabr 2022    Oxunub:471
"Airbus Aircraft Corporation" yaxın bir neçə ay ərzində Rusiyadan titan alışından imtina etmək niyyətindədir. AzVision.az Reuters-ə istinadən xəbər verir ki, bu barədə şirkətin müdafiə və kosmik bölməsinin rəhbəri Maykl Şolhorn məlumat verib.
Şolhorn xüsusilə qeyd edib ki, artıq qurum titan alqı-satqısı məsələsində Rusiya ilə əlaqələri kəsmək prosesinə başlayıb və bu, illərlə deyil, bir neçə aydır davam edir.

Təyyarə istehsalı ilə məşğul olan nəhəng şirkət hazırda Rusiyadan hələ də lazımi xammalın bir hissəsini alır. Lakin hər şey satınalmalardan tədricən tam imtinaya doğru gedir.

Nəşr öz mənbələrinə istinadən yazıb ki, Avropa konserni ABŞ və Yaponiyadan daha çox titan almağa başlayıb.

Xatırladaq ki, Ukraynaya hücum səbəbindən Rusiyaya qarşı irimiqyaslı sanksiyaların tətbiqindən sonra Qərb şirkətləri əsas sənaye sahələrində, o cümlədən aviasiya sahəsində əməkdaşlığı tədricən məhdudlaşdırıblar. 2022-ci ilin martında Amerikanın Boeing-i rus titanından imtina etdi. Şirkət Rusiyada titanın 35%-ə qədərini alıb. Airbus-da isə bu rəqəm 65%-ə çatıb.

Tural Tağıyev
AzVision.az

Teqlər: Rusiya   Titan  







Xəbər lenti