`Səyyar ASAN`-dan Bakı sakinlərinə sürpriz - FOTOLAR

`Səyyar ASAN`-dan Bakı sakinlərinə sürpriz - FOTOLAR
  21 Mart 2014    Oxunub:1470
Bakı sakinləri Novruz şənliklərinin keçirildiyi İçərişəhər - Qoşa Qala Qapısı meydanında 4 gün müddətində Səyyar "ASAN Xidmət"dən yararlana biləcəklər.

AzVision.az xəbər verir ki, Martın 20-dən 23-dək Azərbaycan Respublikasının Prezidentinin yanında Vətəndaşlara Xidmət və Sosial İnnovasiyalar üzrə Dövlət Agentliyi Səyyar "ASAN xidmət" avtobusu vasitəsilə Novruz şənliklərinin keçirildiyi İçərişəhər - Qoşa Qala Qapısı meydanında saat 12.00-dan – 18.00-dək vətəndaşlara xidmət göstərir. Paytaxt sakinləri şənliklərin getdiyi müddətdə səyyar "ASAN xidmət" çərçivəsində təqdim olunan bütün xidmət növlərindən yararlana biləcəklər.

Qeyd edək ki, səyyar "ASAN xidmət" ölkə ərazisində əsasən avtomobillər və iritutumlu avtobuslar vasitəsilə həyata keçirilir. "Səyyar xidmət"in həyata keçirilməsinin əsas məqsədləri dövlət xidmətlərinin vətəndaşlara daha rahat, yeni və müasir üsullarla təqdimatı, onların vətəndaşlar üçün əlçatanlığının təmin ediməsi və vətəndaş məmnunluğuna nail olunmasıdır.

AzVision.az

Qalereya




Teqlər:  





Xəbər lenti


Azvision.az ©2014 | Bütün hüquqları qorunur