Bu hərəkətlər avtoxuliqanlıq hesab olunacaq - SİYAHI

  22 Yanvar 2021    Oxunub : 1498
   Bu hərəkətlər avtoxuliqanlıq hesab olunacaq -    SİYAHI
Azərbaycanda avtoxuliqanlıq hallarının müəyyən edilməsi qaydaları dəyişir.
Azvision.az -ın məlumatına görə, bununla bağlı Milli Məclisin yaz sessiyasında İnzibati Xətalar Məcəlləsinə dəyişiklik müzakirə ediləcək.

Hazırda İnzibati Xətalar Məcəlləsində avtoxuliqanlıq xətasının anlayışı geniş nəzərdə tutulduğu üçün təcrübədə çətinliklərə və fərqli şərhlərə səbəb olur. Layihədə avtoxuliqanlıq xətasının törədilmə üsulları dəqiq müəyyən edilir. Sürücü aşağıdakı əməlləri törətdikdə avtoxuliqanlıq etmiş sayılır:

-aşkar surətdə iki və ya daha artıq mexaniki nəqliyyat vasitəsinin iştirakı ilə sürət yarışı həyata keçirdikdə;

-avtomobili və ya motosikli bir və ya daha çox təkərini yolun səthindən qaldırmaqla idarə etdikdə;

-avtomobili qəflətən sürətləndirməklə davamlı olaraq təkərlərin yolun səthi ilə sürtünməsi səslərini çıxardıqda və ya yolun səthində çoxsaylı təkər izlərini buraxdıqda.

Anar Kəlbiyev
Azvision.az

Teqlər: Avtoxuliqanlıq   İXM