Karateçilərimiz qızıl və bürünc medallar uğrunda mübarizə aparır

Karateçilərimiz qızıl və bürünc medallar uğrunda mübarizə aparır
  01 Mart 2020    Oxunub:1626
Avstriyanın Zalsburq şəhərində keçirilən “Karate 1” Premyer Liqa turnirinin sonuncu yarış günündə karateçilərimiz qızıl və bürünc medallar uğrunda mübarizə aparacaqlar.
Azvision.az xəbər verir ki, karateçilərimizdən Rafiz Həsənov (67 kq) finalda qızıl medal uğrunda döyüşəcək. Həlledici qarşılaşmada onun rəqibi İtaliya təmsilçisi Luka Mareska olacaq. Kumite yarışlarında digər karateçilərimiz Ayxan Mamayev (84 kq), Asiman Qurbanlı (+84 kq) və İrina Zaretska (68 kq) bürünc medallar uğrunda mübarizə aparacaqlar. A.Mamayev Daniyar Yuldaşev (Qazaxıstan), A.Qurbanlı Mahmud Tarek (Misir), İ.Zaretska Linqlinq Tanq (Çin) ilə güclərini sınayacaqlar.

Xatırladaq ki, Azərbaycan karateçiləri fevralın 14-16-da Dubayda keçirilmiş “Karate 1” Premyer Liqa turnirində iki medal (Rafael Ağayev qızıl, İrina Zaretska bürünc) qazanıblar.

Premyer Liqa turnirinə bu gün yekun vurulacaq.

Azvision.az



Teqlər: Karate   Yarış  





Xəbər lenti