“Ukraynanı rəqiblərimizə “hədiyyə” etdik” - Lukaşenko
Azvision.az BELTA-ya istinadən xəbər verir ki, bunu Belarus prezidenti Aleksandr Lukaşenko bu gün Minskdə "Avropa Təhlükəsizliyi: Uçurumun kənarından uzaqlaş" adlı beynəlxalq konfransda çıxışı zamanı deyib.
"Bu gün biz Ukraynanı rəqiblərimizə sadəcə “hədiyyə” etdik. Öz əlləri ilə Ukraynanı verdilər. Buna görə amerikalılar və NATO bizə təşəkkür etməlidir”.
Lukaşenko hesab edir ki, Ukraynadakı münaqişələri həll etmək mümkündür: “Ukraynanın diaqnozu qoyulub. Hansısa bir xəstəliyi sağaldan kimi bunun da müalicəsinə başlamaq lazımdır. Oradakı hökumət, prezident, əlbəttə ki, hər şeyə qadir deyil. Nə daxildən, nə də xaricdən ona istədiyi şeyi etməyə heç kim icazə verməz. Ancaq onun bu problemi həll etmək istədiyinə əminəm. Ukrayna hakimiyyəti ölkədəki münaqişəni necə həll edəcəyini başa düşür. Rusiya və Avropa İttifaqı, ilk mərhələdə hətta ABŞ münaqişənin həllinə, Ukraynanın bütövlüyünün və müstəqilliyinin qorunmasına kömək edərsə, problem həll ediləcək",- deyə Lukaşenko əlavə edib.
Şahanə Rəhimli
Azvision.az
Teqlər: Belarus