Gürcüstanın Azərbaycana nə qədər borcu var?

   Gürcüstanın Azərbaycana nə qədər borcu var?
  15 İyul 2019    Oxunub:2604
Cari ilin iyulun 1-nə Gürcüstanın 5 milyard 438,04 milyon ABŞ dolları xarici borcu olub. Bu da aylıq müqayisədə 70,9 milyon dollar azdır.

Bu barədə Gürcüstanın Maliyyə Nazirliyi məlumat yayıb. Bildirilib ki, borcun 5 milyard 229,5 milyon dolları hökumətin payına düşür.
Hesabat dövründə Gürcüstanın Azərbaycana borcu azalıb. Belə ki, iyulun 1-nə qonşu ölkənin Azərbaycana borcu aylıq müqayisədə 166 min dollar azalaraq 7 milyon 269 min dollar təşkil edib.

Gürcüstanın ən çox borcu Almaniyayadır (317,04 milyon dollar). Siyahıda 241,01 milyon dollarla ikinci yerdə Fransa, 218,84 milyon dollarla Yaponiya isə üçüncü sırada qərarlaşıb.

Azvision.az



Teqlər: Gürcüstan   Azərbaycan   Borc  





Xəbər lenti