2013-cü il “Şahdəniz” layihəsinin ikinci mərhələsinin davamı kimi “Cənub qaz dəhlizi” layihəsinin reallaşdırılması prosesi üçün əhəmiyyətli olacaq. Bu barədə Böyük Britaniyanın baş naziri Devid Kemeron Bakıda keçirilən 20-ci neft-qaz sərgisi və konfransında bildirib.
“Mərkəzi Asiyadan Avropaya qaz marşrutu olan “Cənub qaz dəhlizi” layihəsinin reallaşdırılması üzrə qarşıda çox işlər vardır. Əminəm ki, bu ambisiyalar reallaşacaq” – Kemeronun müraciətini bildirən Azərbaycanda Böyük Britaniyanın ticarət nümayəndəsi Çarlz Henri sərginin açılışında deyib.
“Caspian Oil and Gas - 2013” beynəlxalq sərgi və konfransı Baku Expo Centre-nin sərgi kompleksində keçirilib. İxtisaslaşdırılmış sərgi 20 il uğurla fəaliyyətini davam etdirib. Kemeron II Yelizavetanın adından neft-qaz sərgisi və konfransın yubileyi münasibətilə Azərbaycan prezidenti İlham Əliyevi və xalqı təbrik edib.
“Bizim əməkdaşlığımız ticarət əlaqələri üzrə qurulub. Sərgidə iştirak edən Britaniya şirkətlərinin çoxu Azərbaycana – neft-qaz sahəsinə investisiyalar yatırıb” – Kemeron vurğulayıb. Bu sahəyə Britaniyanın BP neft-qaz şirkəti xüsusilə cəlb olunub. Baş nazir əlavə edərək söyləyib ki, yaxın illərdə Azərbaycanın energetika resursları Avropa və dünya iqtisadiyyatında mühüm rol oynayacaq.
AzVision.az
Devid Kameron İlham Əliyevi təbrik etdi
04 İyun 2013
Oxunub:1636
Vaxtında, Aydın, Lazımlı!
-1522220443-1523340632.jpg&h=190&w=280&zc=1&q=100)
-1730458422.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
