AzVision.az Kəpəz TV-yə istinadən xəbər verir ki, Yeni Gəncə yaşayış kompleksində elə bu adla yeni yaşayış binası tikilir. Dövlət sifarişi ilə həyata keçirilən işlərə fevral ayından başlanılıb və tikintinin artıq 25-30 faizi yekunlaşıb. Hazırda 9 mərtəbədən ibarət 14 bina tikilir ki, burada da ümumilikdə 900-dən çox mənzil olacaq. Mənzillərin əksəriyyəti 1 və 2 otaqlıdır. Binaların zirzəmi hissələri xüsusi izolyasiya edilib ki, bu da qurunt sularının tikiliyə zərərverməsini minimuma endirəcək.
Ərazidə bir ədəd yanğınsöndürən və içməli su anbarları, bundan başqa əhalini fasiləsiz işıqla təmin etmək üçün 1600 kilovatlıq transformator da tikiləcək. Bundan başqa avtomobil dayanacaqları, uşaqların əylənməsi üçün oyun meydançaları, əlil vətəndaşların rahat hərəkətini təmin etmək üçün xüsusi yollar salınacaq. Binanın tikintisinə 500-ə yaxın canlı qüvvə, 20-yə yaxın ağır texnika cəlb edilib. Bir neçə korpusdan ibarət olan tikilinin bu ilin sonu istifadəyə verilməsi planlaşdırılır. Gəncədə ehtiyacı olan şəxslərin mənzillərlə təmin olunması istiqamətində atılan bu addım xüsusən gənclərin ev problemlərini böyük ölçüdə həll edəcək.
Gəncədə gənclərə xüsusi güzəştli evlər veriləcək
02 Avqust 2014
Oxunub:3207
Ölkəmizdə əhalinin mənzil şəraitinin yaxşılaşdırılması istiqamətində həyata keçirilən tədbirlər bölgələrdə də davam etdirilir. Dövlət tərəfindən Gəncə şəhərində yeni mənzillərin inşasına başlanılıb. Əsas məqsəd ehtiyacı olan şəxsləri güzəştli şərtlərlə mənzillərlə təmin etməkdir.
Teqlər:
Vaxtında, Aydın, Lazımlı!
-1747031642.jpg&h=190&w=280&zc=1&q=100)
_VuUFM__HD-(1)-1746091328.jpg){kind=spacer}
