AzVision.az xəbər verir ki, “Politico” nəşrində dərc olunan materialda belə deyilir.

“Avropa Parlamenti Avropa İttifaqının (Aİ) icraçı orqanının müdafiə xərcləri ilə bağlı seçilmiş deputatların rəyinə məhəl qoymamaq planlarına görə Berlamonda (AK-nin mənzil-qərargahı – red. ) məhkəməyə verməyə hazırdır”, - qəzet yazır.

Nəşr qeyd edir ki, Metsola təşəbbüsün Avropa Parlamentindən yan keçməməsi üçün “Avropanın yenidən silahlanması”na 150 milyard avro həcmində kreditin cəlb olunmasında hüquqi bazanın dəyişdirilməsi ilə bağlı AK-nin rəhbəri Ursula fon der Lyayenə məktub göndərib.

Qanunverici orqanın tələbinə məhəl qoyulmayacağı təqdirdə AP-nin AK-ni məhkəməyə verməyə hazır olduğu vurğulanır. Materialda AP-nin Hüquq Məsələləri Komitəsinin daha əvvəl AK-nin məsələnin həllində qanunvericilərin iştirakından yan keçmək niyyətini qanunsuz elan etdiyi də diqqətə çatdırılır.

Euractiv: “Aİ-nin yenidən silahlanma planı xülyadır” - VİDEO

Bundan əvvəl AK-nin rəhbəri Ursula fon der Lyayen “Avropanın yenidən silahlanması” planını maliyyələşdirmək üçün dörd il ərzində 800 milyard avro cəlb etmək təklifini irəli sürüb. Vəsaitlərin böyük hissəsinin Avropa dövlətlərinin büdcələrindən (təxminən 650 milyard), daha 150 milyardının isə kredit şəklində cəlb edilməsi təklif olunur.

Bununla bağlı AK Aİ ölkələrinə büdcə güzəştləri verəcək və həmçinin regional inkişaf üçün nəzərdə tutulan vəsaitləri hərbi xərclərə yönəldəcək. Martın 6-da Brüsseldə keçirilən fövqəladə sammitdə Aİ liderləri bu planı razılaşdıraraq, AK-yə ətraflı təkliflər hazırlamağı tapşırıblar.

AK sədri həmçinin bəyan edib ki, strategiya Aİ ölkələrinin müdafiə xərclərinin ÜDM-in 1,5%-i qədər artırılmasını nəzərdə tutur.

- Üzv dövlətlərin müdafiə xərcləri 2021-ci ildən bəri 31%-dən çox artıb, lakin bu, kifayət deyil. Çünki bu, ABŞ, Rusiya və Çinin xərclərindən azdır”, - Ursula fon der Lyayen bildirib.

AK-nin fikrincə, Avropanın müdafiəsinin bərpası uzun müddət ərzində həm dövlət, həm də özəl sərmayələr tələb olunur.

Sahil İsgəndərov
AzVision.az