Suriyanın druz kəndi İsrailə birləşmək istəyir

Suriyanın druz kəndi İsrailə birləşmək istəyir
  13 Dekabr 2024    Oxunub:1193
Suriyanın cənubundakı druzlardan ibarət Hader kəndinin sakinləri Dəməşqdə müxalifət qüvvələrinin hakimiyyətə gəlişindən sonra maraqlı təklif irəli sürüblər.
Xarici KİV-in yaydığı məlumata görə, onlar İsrail ərazisinə birləşməyin tərəfdarı olduqlarını bəyan ediblər. Bu barədə İsrailin Kan dövlət televiziya və radio şirkəti də məlumat yayıb.

TSAXAL Suriyaya 1,8 min bomba atıb - "Al Mayadeen"
Kan tərəfindən yayımlanan videoda iddia edilir ki, bufer zonasının Suriya sərhəddində yerləşən Hader kəndinin onlarla sakini xüsusi toplantıda İsrailin bir hissəsinə çevrilməyin Suriya druzları üçün bu ölkədə qalmaqdan daha təhlükəsiz olacağı bəyan edilib.

"Biz şərəfimizi qorumaq üçün İsrailin Qolanına qoşulmaq istəyirik və bu, bütün ətraf kəndlərə aiddir. Çünki Haderin taleyi bütün bölgəmizin taleyidir", - videoda çıxış edənlərdən biri qeyd edib.
Xatırladaq ki, dekabrın 7-8-də İsrail qoşunları yarım əsr ərzində ilk dəfə Suriya sərhədini keçərək Qolan təpələrinə daxil oldular. Heç bir müqavimət görməyən ordu Hermon dağ silsiləsinin Suriya tərəfində olan ərazilərinə nəzarəti ələ keçirdi.

Bu gün isə “Al Mayadeen” nəşri yazıb ki, İsrail Suriyanın hava hücumundan müdafiə sistemlərini məhv etmək üçün bir neçə saat ərzində 500-dən çox hədəfə 1,8 min bomba atıb.

Tural Tağıyev
AzVision.az



Teqlər:   İsrail   Suriya  





Xəbər lenti


Azvision.az ©2014 | Bütün hüquqları qorunur