AzVision.az xəbər verir ki, bunu Rusiya XİN rəhbəri Sergey Lavrov Fransa Prezidenti Emmanuel Makronun "Rusiya geosiyasi olaraq artıq Ukrayna müharibəsini uduzub. Çünki Çinin vassalına çevrilib və İsveçlə Finlandiyanın NATO-ya qoşulması ilə Baltik dənizinə çıxışını itirib" fikrinə şərh verərkən deyib. Lavrov bu barədə "Tsarqrad" telekanalına müsahibəsində danışıb. .

Nazir bildirib ki, Rusiya hələ çoxdan şərqlə əlaqələri fəal şəkildə inkişaf etdirməyə davam edib. Hətta ölkəsi ilə Avropa İttifaqı arasında əməkdaşlığın ən yaxşı illərində.

"2001-ci ildə biz Çin Xalq Respublikası ilə mehriban qonşuluq, dostluq və əməkdaşlıq haqqında müqavilə imzaladıq. Müqavilədə dövlətlərimizin hər biri üçün prioritet olan məsələlərdə bir-birimizi daim dəstəkləyəcəyimiz bildirilir. 2001-ci ildən biz ilk növbədə, Çin, Hindistan və Cənub-Şərqi Asiya ölkələri ilə əlaqələrimizi qurmağa başlamışıq. İndi deyirlər ki, “Rusiya Qərbə üz çevirib”. Heç kim heç kimdən üz döndərmədi. Daha doğrusu, Qərb öz "ayağını maraqlarının boğazına qoyub" üz çevirdi. Belə olan halda Qərb dövlətləri ilə münasibətlərin həcmi aşağı düşdü və obyektiv olaraq bizim Şərq siyasətimizin payı artdı.

Üstəlik, nisbətdən asılı olmayaraq, Çinlə əlaqələrin mütləq həcmi rekord səviyyəyə çatır. Öz tərəfimizdən hesab edirəm ki, elan olunmuş kursu davam etdirməliyik. Biz hər kəslə əməkdaşlığa açığıq.

Fransa prezidenti E.Makron artıq bir neçə ildir ki, Avropa Birliyinin strateji muxtariyyətindən danışanda özünü acizcəsinə aparır. O, özünü ABŞ-ın vassalı kimi hiss edir və bundan narahatdır. Buna görə ona "şərəf və afərin". Amma Makron bununla bağlı heç nə edə bilməz.
Bizim vəziyyətimizdə bəli. Çin on dəfə böyükdür. O, bizim əsas ticarət tərəfdaşımızdır, digərlərindən xeyli irəlidədir. Çindən heç bir təhlükə görmürük. Bizim bütün səviyyələrdə ən yaxın, etibarlı əlaqələrimiz var. Çin iki ildən bir seçki keçirənlərdən fərqli olaraq öz inkişafının üfüqlərini görür. Amerikada isə hər iki ildən bir özlərinin daxili siyasətindəki cılız didişmələrinə qlobal xarakterli şeyləri qurban verirlər.

Əgər Qərb dünyası ölkələri arasında belə münasibətlər son dərəcə nadirdirsə (əgər ümumiyyətlə, baş verirsə), deməli bunlar bizim problemimiz deyil", - Lavrov müsahibəsində deyib.

Şahanə Rəhimli
AzVision.az