"Bəsdir bir-birinizə “türk”, “erməni” deyib təhqir etdiniz" - Paşinyan

"Bəsdir bir-birinizə “türk”, “erməni” deyib təhqir etdiniz" - Paşinyan
  12 Dekabr 2022    Oxunub:754
"Sülhün bərqərar olması üçün regional münasibətlərin məzmununu və keyfiyyətini dəyişmək lazımdır". AzVision.az xəbər verir ki, bunu Ermənistanın baş naziri Nikol Paşinyan İrəvanda keçirilən forumda çıxışı zamanı deyib.
O iddia edib ki, bölgədə regionda sülhün bərqərar olması üçün sadə, lakin vacib şeylərdən başlamaq lazımdır.

Onun sözlərinə görə, soyqırımılarının qarşısının alınması mövzusu xalqlar arasında düşmənçiliyin dərinləşməsinə səbəb olmamalıdır. Paşinyan Ermənistanda və ya Azərbaycanda siyasi opponentləri aşağılamaq üçün “türk”, “erməni” terminlərindən istifadə edilməsinə qarşı çıxıb. O, belə praktikaya son qoyulmasının vacibliyini bəyan edib.

Paşinyandan sərsəm bəyanat: "Ermənilərin soyqırımına hazırlıq gedir"
Baş nazir qeyd edib ki, Ermənistanda onun özünü də çox vaxt “türk” adlandırırlar. Ancaq o bunu özünə təhqir kimi qəbul etmir. Buna baxmayaraq, sülhə nail olmaq istəyi varsa, bu kimi çirkin əməllərə son qoyulmalıdır. Etnik qrupların adları isə heç vaxt təhqir kimi seçilməməlidir.

Paşinyan iddia edib ki, hətta bu kontekstdə Ermənistan, Gürcüstan və Azərbaycanın iştirakı ilə regional dialoq formatı da təklif edib. Onun fikrincə bu, regional əməkdaşlığa töhfə verə biləcək.

Tural Tağıyev
AzVision.az



Teqlər:   Paşinyan   Ermənistan  





Xəbər lenti


Azvision.az ©2014 | Bütün hüquqları qorunur