Birlikdən Azvision.az -a bildirilib ki, abonentləri maraqlandıran suallar cavablandırılıb. Sosial şəbəkə izləyicilərinin bəziləri ötən dəfə təşkil edilən görüşdən sonra problemlərinin həllinə göstərilən köməkliyə görə birliyin rəhbərliyinə təşəkkür ediblər.

"Azəriqaz"ın baş direktoru Şəmkirdə vətəndaşları qəbul edib

Canlı yayım zamanı Şəmkir rayonu sakini, Vətən müharibəsi iştirakçısı Ramin Qasımov qaz xəttinin yerinin dəyişdirilməsini xahiş edib. Tədbirin gedişatında onunla əlaqə saxlanılıb və müraciətinə dair müəyyən qeydlər götürülüb. Digər “Facebook” izləyicisi – Samux rayonundan şəhid atası Mürsəlzadə Cəsur fərdi şəkildə qaz çəkilişinin aparılmasını istəyib. Sabunçu rayonu, Kürdəxanı qəsəbəsində yaşayan Elnurə Əliyeva qaz sayğacı ilə bağlı müraciət yazıb. Sumqayıt şəhərindən yazan Nəsimi Hüseynov Yaşıldərə qəsəbəsində yolların təmir olunması zamanı ərazidən keçən qaz xəttinin torpaq altında qalması barədə fikirlərini bölüşüb. Bütün müraciətlər qeydiyyata alınıb.

Qeyd edək ki, canlı yayımı birliyin bütün əlaqədar struktur bölmələri və rəhbər şəxslər paralel olaraq izləyiblər. Bəzi səsləndirilən müraciət sahibləri ilə dərhal əlaqə saxlanılıb, problemlərinin həllinə dair qeydiyyat götürülüb. Ümumilikdə, budəfəki sosial şəbəkə üzərindən baş tutan görüş zamanı 400-dən çox ismarıc qəbul olunub. Onların əksəriyyəti qazlaşdırılmasına ehtiyac duyulan yaşayış məntəqələri və massivləri ilə bağlıdır. Diqqətçəkən məqamlardan biri də odur ki, bir həftə öncə keçirilən analoji görüşdən fərqli olaraq bu dəfə təbii qazın verilişində təzyiqin az olmasına dair şikayətlərin sayında hiss ediləcək qədər azalma müşahidə olunub. Bu da “Azəriqaz” İstehsalat Birliyi rəhbərliyinin sosial şəbəkə müzakirələrində qaldırılan məsələlərə həssaslıqla yanaşmasından xəbər verir.

Azvision.az