Siqaret hər 6 saniyədə bir nəfəri öldürür
AzVision.az "Haber7"yə istinadən xəbər verir ki, bu barədə 9 Fevral - "Dünya siqaretdən imtina günü" münasibətilə Ümumdünya Səhiyyə Təşkilatının yaydığı məlumatda bildirilib.
Türkiyə siqaretin tərgidilməsi üçün həyata keçirilən tədbirlərə görə dünya ölkələri arasında 6-cı yerdədir. Birinci yerdə Braziliya qərarlaşıb. Ən ciddi nəzarət tədbirləri Türkmənistanda həyata keçirilir. Ən bahalı siqaret isə Avstraliyada satılır.
Siqaretdən ən çox ölənlər Çindədir. Bu ölkədə siqaret hər il 1.3 milyon insanın həyatına son qoyur. Bu öldürücü vərdiş həm də qazanc mənbəyidir. Hesablamalara görə, dünya iqtisadiyyatında siqaretin illik dövriyyəsi 1 trilyon dollardır.
AzVision.az