Ötən gün “Reuters” agentliyi Ermənistanın 500 milyon dollar həcmində avrobond yerləşdirilməsi haqqında xəbər yayıb.Sadə dillə desək, Ermənistan hökuməti avrobondlar vasitəsilə öz xarici borcunu daha 500 milyon artıb.
Bu barədə AzVision.az Ermənistanın “Aykakan Jamanak” qəzetinə istinadən xəbər verir.
“Agentliyin məlumatına görə, yerləşdirilən avrobondun gəlirliyi, yəni dövlət borcunun yeni faiz dərəcəsi 7,5-dir. Ermənistan hökuməti bu borcu 10 il müddətinə ödəməlidir. Başqa sözlə, Ermənistan 10 il ərzində 875 milyon dollar qaytarmalıdır. Bu Ermənistan hökuməti tarixində cəlb olunan ən yüksək kreditdir. Maraqlıdır ki, gecə yarısına qədər nə Ermənistan Maliyyə Nazirliyi, nə də Ermənistan Mərkəzi Bankı avrobondların yerləşdirilməsi haqqında rəsmi məlumat yaymayıblar. Əgər “Reuters”in yaydığı informasiya düzdürsə, onda Ermənistan Maliyyə Nazirliyi və Mərkəzi Bankı ölkənin yeni borcları barədə mətbuatdan öyrənəcək”, -deyə “Aykakan Jamanak” qəzeti xəbər yayıb.
Eldar Tanrıverdiyev
AzVision.az
Ermənistan bir gecədə 875 milyon dollar borca düşdü
20 Mart 2015
Oxunub:7415
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
