Bu sözləri ABŞ-nin sabiq lideri, yenidən prezidentliyə namizəd Donald Tramp İsrail-Amerika Şurasının Vaşinqtonda baş tutan tədbirində çıxışı zamanı dilə gətirib. Vurğulayıb ki, sorğuya əsasən, yəhudi seçicilərin yalnız 40%-i onu dəstəkləyir.
"Məgər bilmirlərmi, seçkilərdə qalib gəlməsəm, nə baş verəcək? Üstəlik, yəhudilərin böyük payı hesabına. Çünki 60%-i düşmənə (rəqibi Kamala Harisi nəzərdə tutur - red.) səs verir", - Tramp deyib.
Xatırladaq ki, o. ayın əvvəlində Kamala Harisin qələbə qazanacağı təqdirdə "İsrailin məhv ediləcəyi" iddiasını irəli sürüb. Ötəngünkü tədbirdə isə "İranın İsraili cəmi 2 ilə dağıdılacağını" söyləyərək bu iddianı daha da böyüdüb.
"İran tezliklə nüvə silahına yiyələnəcək və terrorçular hər tərəfdən İsrailə hücum çəkəcəklər. Qapı-qapı gəzərək günahsız mülki şəxslərə işgəncə verəcək, zorlayacaq, oğurlayacaq və qətlə yetirəcəklər. Tel-Əviv və Qüds həyati əlamət qalmayan müharibə zonasına çevriləcək", - deyən Tramp belə bir "ssenari"nin həyata keçməməsi üçün yalnız özünü yenidən Ağ Evə qayıtmalı olduğunu diqqətə çatdırır.
Firudin Həmidli
AzVision.az
Tramp: "Yəhudilərdən dəstək görməsəm, uduzacağam" - VİDEO
20 Sentyabr 2024
Oxunub:331
"Lazımi sayda yəhudi seçici mənə dəstək verməsə, noyabrda keçiriləcək seçkidə qalib gəlmək ehtimalım azdır".
Teqlər: ABŞ seçkilər İsrail Yaxın-Şərq
Vaxtında, Aydın, Lazımlı!
-1726643078.jpg&h=120&w=187&zc=1&q=70')
