Filipp de Qoll 28 dekabr 1921-ci ildə Parisdə anadan olub. O, atasının da oxuduğu Stanislav de Paris Kollecində təhsil alıb və daha sonra Fransa Hərbi Dəniz Qüvvələrində xidmətə başlayıb. İkinci Dünya Müharibəsi illərində La-Manş Kampaniyası və Atlantik Döyüşündə iştirak edib. 1943-cü ildə leytenant rütbəsinə yüksələn de Qoll Fransa döyüşündə tağım komandiri vəzifəsinə kimi qalxıb.
25 avqust 1944-cü ildə Parisin azad edilməsində iştirak edib və hətta güllələnmə riski ilə təkbaşına və silahsız almanlarla danışıqlar aparıb. 1944-1945-ci illərin qışında Voqezdə döyüşüb. Müharibədən sonra hərbi karyerasını Fransız dəniz aviasiyasının pilotu kimi davam etdirib və Paris Bölgəsi üzrə Dəniz Aviasiyasının Komandanı təyin edilib (1964-1966).
1967-1968-ci illərdə o, Syuffren raket freqatına komandirlik edib. 1971-ci ildə ona kontr-admiral rütbəsi verilib. Daha sonra 1974-1975-ci illərdə Dəniz Hava Patrul Komandiri vəzifəsində çalışmış və 1975-ci ildə vitse-admiral rütbəsinə yüksəlib. 1976-1977-ci illərdə Atlantik Donanmasının komandiri olub, 1977-ci ildə isə eskadranın vitse-admiralına yüksəlib. 1986-2004-cü illərdə de Qoll Parisdən Fransa senatoru vəzifəsində çalışıb.
AzVision.az
Vaxtında, Aydın, Lazımlı!
-1730918052.jpg&h=190&w=280&zc=1&q=100)
a-1727681504.jpg&h=200&w=200&zc=2&q=70)
