AzVision.az xəbər verir ki, Milli Observatoriyanın Təlim Mərkəzində təşkil olunan və 5 gün davam edən təlimlərdə 13 media orqanından nümayəndələr iştirak edib.

Nazirlik sistemində çalışan peşəkar və təcrübəli əməkdaşlar tərəfindən media işçilərinə əmək, məşğulluq, sosial müdafiə, sosial xidmətlər, əlillik və reabilitasiya sahələrində göstərilən xidmətlərə, bu sahələrdə aparılan islahatlara dair iştirakçılara məlumatlar verilib.

Bu sahələrdə tətbiq olunan innovativ yeniliklər, rəqəmsal texnologiyalar, eləcə də qarşıda duran sosial hədəflər diqqətə çatdırılıb. Həmçinin sahəvi terminologiyaya dair məlumatlar verilib, media nümayəndələrini maraqlandıran suallar cavablandırılıb.

Təlimin yekununda Əmək Bazarı və Sosial Müdafiə Məsələləri üzrə Milli Observatoriyanın İdarə Heyətinin sədri Elnur Səfərli media nümayəndələri ilə görüşüb. Görüşdə sosial jurnalistika təliminin media üçün əhəmiyyəti vurğulanıb.

Qeyd olunub ki, təlimdə məqsəd media nümayəndələrinin sosial mövzular üzrə dolğun məlumatlandırılması, bu mövzulara yanaşmada peşəkarlığının, sahəvi biliklərinin artırılması, media ilə səmərəli əməkdaşlığın qurulmasıdır.

Yekunda təlim iştirakçılarına sertifikatlar təqdim edilib.

Sertifikat alanlar arasında AzVision.az xəbır portalının əməkdaşı Aytən Zəhra (Bağırova) da var.

AzVision.az

Qalereya

Teqlər: