"Paşinyan Qarabağın təslim olmasını sürətləndirməyə çalışır" - Avetik Çalabyan

   "Paşinyan Qarabağın təslim olmasını sürətləndirməyə çalışır" -    Avetik Çalabyan
  30 Yanvar 2023    Oxunub:1045
“Baş nazir Nikol Paşinyanın əsas məqsədi Rusiyanı Ermənistandan sıxışdırıb çıxarmaqdır. Onu hakimiyyətə gətirən qüvvələr belə tələb edirlər”. Bunu ictimai-siyasi xadim Avetik Çalabyan deyib.
Onun sözlərinə görə, Paşinyan hakimiyyətə Qarabağı təslim etmək məqsədilə gəlib. “Amma bu, Ermənistanla Azərbaycan arasında münaqişə məsələsi deyil, qlobal geosiyasi dəyişikliklər kontekstində baş verən hadisədir. Rusiyanın Cənubi Qafqazda təsirini minimuma endirmək üçün Qarabağ təslim edilməlidir”,- deyə Çalabyan “İcmal” proqramında bildirib.

Çalabyan əmindir ki, Paşinyan 2020-ci ildə Qarabağı təslim etməyə hazır idi, lakin “Ermənistan ordusu, Qarabağ əhalisi və Rusiya bunun qarşısını aldı”. İndi Paşinyan Rusiyanın görünməmiş çətin siyasi vəziyyətdə olduğunu və etiraz elektoratının belə mübarizədən yorulduğunu dərk edərək, həmçinin Qərbin Rusiyanın Ermənistandakı təsirini neytrallaşdırmaqda maraqlı olmasından istifadə edərək “Qarabağın təslim edilməsi prosesini sürətləndirməyə çalışır”.

“Qarabağın ardınca Zəngəzur təslim ediləcək, daha sonra İrəvanda Türkiyə-Azərbaycan məhəllələri meydana çıxacaq və növbəti mərhələdə Ermənistan türkləşdiriləcək”,- Çalabyan deyib.

Ə.V.
AzVision.az


Teqlər: Ermənistan  





Xəbər lenti