“Bakıda xaş yeyəcəyəm” deyən erməni tankçı məhv edildi - FOTO
“Sasunun bir devizi var idi: “tezliklə Bakıda xaş yeyəcəyik”. Bu arzu ilə 30 sentyabrda Qarabağda döyüşlərə qatılmışdı. Atası Zöhrab Tətikyan oğlu haqqında ağlayaraq deyir- “Oğlum “xaş yeməyə Bakıya gedirik” deyib “Artsax”a (Dağlıq Qarabağ-red) yola düşdü. Ayın 13-dən bəri əlaqə saxlaya bilmədik. Sonuncu dəfə qardaşımla ayın 15-də danışdı və həmin gündən sonra heç bir məlumatımız olmadı”.
Sasunun ölümü ilə bağlı bir neçə müəmmalı versiya olub ki, onlardan biri də Tətikyanın vurulan tankına köməyin gəlməməsidir:
“Zəng edib köməyə çağırıblar, ancaq əlaqə kəsilib və kömək gəlmədən tankda olan oğlanlar ölüblər. Digər versiyaya görə, mövqe tutmağa çalışarkən Azərbaycan dronlarının zərbəsindən sonra ölüblər. Bu iki versiyanı eşitmişəm və hərbi hissəyə gedəndə hadisənin baş vermə səbəbini daha dəqiq biləcəyəm. Amma bundan sonra hadisənin necə baş verməsinin nə əhəmiyyəti var”.
Bakıda xaş yeməyi arzulayan Tətikyanın digər xidmət yoldaşları da Azərbaycan Ordusunun sərrast zərbələri ilə məhv edilib.
Tural Tağıyev
Azvision.az