1637 ədəd partlamamış hərbi sursat aşkar edilib

 1637 ədəd partlamamış hərbi sursat aşkar edilib
  03 İyul 2019    Oxunub:1487
01 yanvar – 03 iyul 2019-cu il tarixlərində Azərbaycan Respublikası Ərazilərinin Minalardan Təmizlənməsi üzrə Milli Agentliyindən 129 siqnal (əməliyyat çağırışı) əsasında 112 operativ və təxirəsalınmaz əməliyyat çıxışı olub.
Agentlikdən Azvision.az -a verilən məlumata görə, Abşeron, Ağcabədi, Ağdam, Ağstafa, Astara, Daşkəsən, Füzuli, Gədəbəy, Goranboy, Göygöl, Xızı, Xocavənd, Qazax, Lənkəran, Salyan, Samux, Şamaxı, Şəmkir, Tərtər, Tovuz, Yevlax, Zaqatala rayonları, Bakı, Gəncə, Sumqayıt, Mingəçevir, Şirvan, Şəki, Yevlax, Lənkəran, Naftalan şəhərləri ərazisində 9 ev və həyətyanı sahəyə, əkin və otlaq sahəsinə, yol kənarına, dəmiryolunun yaxınlığına, daş karxanasına, dəniz sahilinə, məişət tullantıları ərazisinə, su kanalına, məktəbin həyətinə baxış keçirilib.

1637 ədəd partlamamış hərbi sursat (PHS), 16236 ədəd müxtəlif çaplı patron, 11 ədəd piyada əleyhinə mina, 12 ədəd tank əleyhinə mina və 30 ədəd tank əleyhinə təlim məqsədli mina zərərsizləşdirilib, 126,745 kv.m ərazi yerüstü və 8,602 kv.m ərazi yeraltı yoxlanılıb.

Azvision.az


Teqlər: ANAMA   Axtarış  





Xəbər lenti