Azvision.az xəbər verir ki, on orta təhsil müəssisəsindən ümumilikdə 100-dən çox şagirdin iştirak etdiyi, Təhsil Nazirliyinin və Vətəndaş Cəmiyyətində Debat İctimai Birliyinin təşkilatçılığı ilə reallaşdırılan “Bakı Məktəblərarası Debat Forumu 2018” layihəsinin final və mükafatlandırılma mərasimi keçirilib.
Frumun qrup və “play-off” mərhələsində 10 məktəbdən 22 komanda iştirak edib. Final oyunu Bakı Avropa Liseyi və 6 nömrəli məktəb-liseyin şagirdləri arasında keçirilib. Mərasimdə Milli Debat Proqramının rəhbəri Qulamhüseyn Məmmədov layihənin məktəblərdə reallaşdırılmasından və şagirdlərin inkişafında əhəmiyyətindən danışıb, iştirakçılara uğurlar arzulayib.
Məktəbli debatçılar 2 həftə ərzində “Atom elektrik stansiyaları məhdudlaşdırılmalıdır” mövzusunda araşdırmalar apararaq, gərgin təlim və məşq prosesinin ardından müxtəlif biliklərə yiyələnib, debatlar aparıblar. Sonra finala vəsiqə qazanmış Bakı Avropa liseyinin “DeBal” və 6 nömrəli məktəb-liseyin “JockZilla” komandaları final mərhələsində görüşüblər. “Bakı Məktəblər arası Debat Forumu 2018”in kubokunu Bakı Avropa Liseyinin “DeBal” komandası qazanıb.
Forumun üç ən yaxşı natiqi də müəyyənləşib. Belə ki, Bakı Avropa Liseyinin şagirdləri Hüseyn Həsənov, Nərgiz Əli, İbrahim Əsgərov müvafiq olaraq ilk üç pillədə yer alıblar. Forumun ən yaxşı məşqçisi - Ümid Mahmudov, ən yaxşı hakimi – Talifa İsgəndərli olub. Yekunda qalib və finalçılar, həmçinin ən yaxşı natiq, məşqçi və hakimlər mükafatlandırılıb.
Azvision.az
“Bakı Məktəblərarası Debat Forumu 2018” başa çatıb
29 Dekabr 2018
Oxunub:10873
Milli Debat Proqramı çərçivəsində həyata keçirilən “Bakı Məktəblərarası Debat Forumu 2018” uğurla başa çatıb.
Vaxtında, Aydın, Lazımlı!
_1512566280_1512579447.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
