Zəhra Rəhnəvərd: "Etiraz aksiyalarında tələbələrin sıxışdırılması misilsiz idi"

      Zəhra Rəhnəvərd:    "Etiraz aksiyalarında tələbələrin sıxışdırılması misilsiz idi"
  08 Dekabr 2023    Oxunub:776
İranda tələbələrə qarşı repressiyalar son bir ildə “görünməmiş” həddə olsa da, hökumət tələbə hərəkatının effektiv olmasına mane ola bilməz.
AzVision.az xəbər verir ki, 13 ildən artıqdır ev dustaqlığında olan, “Yaşıl Hərəkat” etiraz aksiyalarının liderlərindən biri Zəhra Rəhnəvərd Tələbələr günü münasibətilə yazdığı məktub bunu vurğulayıb.

“İranda indiyədək heç bir hökumət tələbə hərəkatının millətin taleyinə təsirini dayandıra bilməyib. “Qadın, Həyat, Azadlıq” hərəkatının tarix yazan günlərində idarəçilər tələbələri elə sıxışdırıblar ki, onların davranışlarını millətin yaddaşına qara siyahıya salıblar. Bu qara rekordla idarəçilər öz nüfuzlarını milli və beynəlxalq səviyyədə hərraca çıxardılar”, - Rəhnəvərd bildirib.

Əvvəllər Əl-Zəhra universitetində professor olmuş Zəhra Rəhnəvərd özünün yazdığına görə, qurbanlardan və 14 ildən artıqdır ki, universitetdə iştirakı qadağan edilənlərdən biridir.

Zəhra Rəhnəvərd əri Mirhüseyn Musəvi və digər siyasi fəal Mehdi Kərrubi ilə birlikdə 13 ildən artıqdır ki, ev dustaqlığındadır.
AzVision.az


Teqlər: İran   etirazlar  





Xəbər lenti