"Hökmət öz vətəndaşına pis davranırdı" - İranın həbs etdiyi danimarkalı

 "Hökmət öz vətəndaşına pis davranırdı" -  İranın həbs etdiyi danimarkalı
  07 İyun 2023    Oxunub:930
Bir neçə gün əvvəl İranın 2 Avstriya və 1 Danimarka vətəndaşını azadlığa buraxması barədə məlumat vermişdik. Avstraliya vətəndaşlarının adı bəlli olsa da, danimarkalı şəxsin kimliyi barədə informasiya açıqlanmamışdı.İndi onun Tomas Kayms olduğu bilinib. O, İranda şahidi olduğu reallıqlardan danışıb.
AzVision.az xəbər verir ki, 2022-ci ilin payızında, İranda ümummilli etirazları zamanı həbs edilən Danimarka vətəndaşı Tomas Kayms Avropaya gəldikdən sonra İranda keçirdiyi təcrübəni qəribə və sürreal bir hadisə kimi təsvir edib.

“Orada olmaq sürreal idi və mən Danimarkanı təyyarənin pəncərəsindən görənə qədər ölkəmə qayıtdığıma inana bilmədim. İranda mənə qonaq kimi yanaşıldılar, amma deməliyəm ki, hökumətin öz vətəndaşlarına münasibəti belə deyil” , - Kayms deyib.

Tomas Kayms İranla məhbus mübadiləsinə görə azad edilən üç avropalıdan biridir. Azad edilən digər iki şəxs İran əsilli Avstriya vətəndaşları Kamran Qədri və Məsud Müsahibdir. Onlar müvafiq qaydada 2016 və 2016-cı ildən həbsdə idilər.

Bu 3 şəxsin həbsdən çıxması İran diplomatı Əsədullah Əsədinin azadlığa buraxılması qarşılığında baş verib. Bəzi siyasi dairələr avropalıların azad edilməsini alqışlasalar da, bir sıra cinayətlərdə günahlandırılan Əsədinin buraxılmasını tənqid ediblər.

AzVision.az


Teqlər: Kayms   İran  





Xəbər lenti