Eldar Səmədov: "Şuşada bir neçə yerdə kütləvi məzarlığın olduğu barədə məlumatlar var"

Eldar Səmədov: "Şuşada bir neçə yerdə kütləvi məzarlığın olduğu barədə məlumatlar var"
  03 İyun 2023    Oxunub:1010
"Dövlət Komissiyasının arxivində toplanan məlumatlara əsasən, Şuşa ərazisində bir neçə yerdə kütləvi məzarlığın olduğu barədə məlumatlar var".
AzVision.az xəbər verir ki, bunu Əsir və itkin düşmüş, girov götürülmüş vətəndaşlarla əlaqədar Dövlət Komissiyası İşçi qrupu rəhbərinin müavini Eldar Səmədov jurnalistlərə açıqlamasında deyib.

Şuşada kütləvi məzarlıq aşkarlanıb - FOTOLAR
O, hazırda Dövlət Komissiyasının bununla bağlı araşdırma işləri ilə məşğul olduğunu söyləyib:

"Şuşa şəhəri işğal olunarkən əsir və girov götürülmüş Azərbaycan vətəndaşları burada qeyri-insani şəraitdə saxlanılmışdır. Onlara qarşı çoxsaylı beynəlxalq cinayət hadisələri, humanitar normaların pozulması faktları məlumdur. Burada bizim apardığımız təhlillərə görə, işğal dövründə 360 azərbaycanlı əsir və girov saxlanılıb. Bunlardan 216 nəfəri Dövlət Komissiyası tərəfindən aparılmış danışıqlar nəticəsində azad etmişik. Amma digərlərinin taleyi bu günə qədər məlum deyil. Güman edirik ki, aşkar olunan yeni meyit qalıqları axtardığımız şəxslərə aiddir".

AzVision.az



Teqlər:   Şuşa   Məzarlıq  





Xəbər lenti


Azvision.az ©2014 | Bütün hüquqları qorunur