Almaniya texniki tənəzzülün başlanğıcında

Almaniya texniki tənəzzülün başlanğıcında
  25 May 2023    Oxunub:1012
Almaniyanın ÜDM-i 2023-cü ilin birinci rübündə 0,3% azalıb. Üstəlik, azalma ardıcıl iki rübdür ki, davam edir. Bu da texniki tənəzzül vəziyyətinin başlanğıcından xəbər verir.
Bu barədə “CNBC” Federal Statistika İdarəsinə istinadən məlumat yayıb. Almaniya iqtisadiyyatı 2023-cü ilin birinci rübündə texniki tənəzzülə daxil olub, çünki ölkənin ÜDM-i ardıcıl iki rübdür ki, azalıb. Belə ki, 2022-ci ilin dördüncü rübünün nəticələrinə görə, Almaniya iqtisadiyyatı 0,5% azalıb, artıq 2023-cü ilin birinci rübündə isə 0,3% azalıb.

Nəşr Avropanın ən böyük iqtisadiyyatının, xüsusən də Rusiyanın Ukraynada əməliyyatına başlaması və Moskva ilə münasibətlərin pozulması səbəbindən ciddi təzyiq altında olduğuna işarə edib. Bazar ekspertləri əlavə ediblər ki, tənəzzül əslində 2022-ci ilin sonunda, enerji qiymətlərində kəskin artımın istehlakçıları vurduğu vaxt başlayıb.

Eyni zamanda, ÜDM-in azalmağa davam edəcəyi ehtimalı azdır, lakin kəskin iqtisadi artım da olmayacaq. Məqalə müəlliflərinin fikrincə, iqtisadi inkişafın azalması bütün Avropa regionunda faiz dərəcələrinin artması və yüksək inflyasiya fonunda baş verir. Bundan əlavə, Avropa Mərkəzi Bankının (AMB) iyunun 15-də keçiriləcək iclasında daha bir faiz artımı gözlənilir. Bütün bunlar həm istehlaka, həm də investisiyaya təsir edəcək.

AzVision.az


Teqlər:





Xəbər lenti