Azyaşlı uşağı ilə özünü dənizə atan ana ilə bağlı Açıqlama

Azyaşlı uşağı ilə özünü dənizə atan ana ilə bağlı Açıqlama
  23 May 2023    Oxunub:1218
Bakı şəhəri, Səbail rayonunda yerləşən Dənizkənarı Milli Park ərazisində dənizdə boğulma təhlükəsi ilə üzləşən ana və azyaşlı körpəsi təcili tibbi yardım avtomobili ilə TƏBİB-in tabeliyində fəaliyyət göstərən Kliniki Tibbi Mərkəzin Təcili təxirəsalınmaz tibbi yardım şöbəsinə yerləşdirilib.
Bu barədə AzVision.az -ın sorğusuna cavab olaraq Kliniki Tibbi Mərkəzdən məlumat verilib. Bildirilib ki, gətirilərkən vəziyyəti stabil olan ana və uşaqda heç bir ciddi patologiya aşkar olunmayıb. Hər iki şəxsə lazımi tibbi müayinələr aparılıb.

Azyaşlı ambulator müalicə üçün evə buraxılıb. Ananın müalicəsi isə davam etdirilir. Vəziyyəti stabildir.

Qeyd edək ki, ötən gün Bulvarda intihara cəhd hadisəsi olub. Qadın azyaşlı uşağı ilə dənizə tullanıb. Uşaq şəhər sakinlərinin, anası isə FHN-in xilasediciləri tərəfindən sağ-salamat çıxarılıb.

Aytən Zəhra
AzVision.az



Teqlər: TƏBİB  







Xəbər lenti


Azvision.az ©2014 | Bütün hüquqları qorunur