Azvision.az xəbər verir ki, bunu Ermənistanın Ədliyyə naziri Rustam Badasyan jurnalistlərə açıqlamasında deyib. O, bildirib ki, penitensiar müəssisələr Ədliyyə Nazirliyinin tabeliyində olmasına baxmayaraq, məhbusların Qarabağa getməsi üçün həbs qətimkan tədbiri dəyişdirilməlidir.

“Bu kimi məsələlər Baş Prokurorluq tərəfindən məhkəmə yolu ilə həll olunur. Bu, Baş Prokurorluğa ünvanlanacaq sualdır, amma belə bir proses gedir”.

Qeyd edək ki, bundan əvvəl də erməni məhbusların Qarabağdakı döyüşlərə cəlb olunması barədə xəbər vermişdik. 28 oktyabr tarixinə olan məlumata görə, 12 nəfər məhkum barəsində həbs qətimkan tədbiri dəyişdirilib, daha 4 nəfər şərti olaraq azadlığa buraxılıb.

"Onların hamısı könüllü olaraq cəbhəyə yollanacaq. Vəziyyətin həssas olduğu nəzərə almaqla hər kəsə fərdi yanaşma göstərilir”, - bunu Ermənistan Baş Prokurorluğunun mətbuat katibi Arevik Xaçatryan açıqlamasında deyib.

Azvision.az