Martın 1-də Milli Kitab Mükafatının Ekspert Şurası 20 ən yaxşı əsərdən ibarət uzun siyahını açıqlayacaq. Tədbir saat 14:30-da Beynəlxalq Mətbuat Mərkəzində başlayacaq.
Ekspert Şurasının üzvləri Tehran Əlişanoğlu, Mahir Qarayev, Yaşar, Zahir Əzəmət, Elnarə Tofiqqızı, Bella Zakirova və Vyaçeslav Sapunovdur. 28 avqust 2012-ci ildən start götürən müsabiqəyə 241 əsər daxil olub. Onlardan 175-i nəsr əsəri, 58-i şeir, 8-i uşaq nağılıdır.
Martın 15-də 10 əsərdən ibarət qısa siyahı müəyyənləşəcək və qiymətləndirilmə üçün Münsiflər Heyətinə təqdim olunacaq.
İyun ayının 4-də mükafatın qalibləri elan olunacaq. 1-ci yerə üç min, 2-ci yerə iki min, 3-cü yerə min manat pul mükafatı düşür. Ən yaxşı uşaq nağılının müəllifinə, ən yaxşı gənc yazara və ən yaxşı şeirə görə 300 manat mükafat veriləcək.
MKM-i 2009-cü ildə “Əli və Nino” Nəşriyyat Evi təsis edib. Layihənin baş sponsoru “Bakcell” şirkəti, rəsmi sponsoru “Bank Respublika” ASC və “Əli və Nino” Nəşriyyat Evidir.
Milli Kitab Mükafatının siyahısı açıqlanacaq
27 Fevral 2013
Oxunub:1464
Martın 15-də 10 əsərdən ibarət qısa siyahı müəyyənləşəcək.
Teqlər:
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
