-ın məlumatına görə, bu barədə "Le Figaro" qəzeti məlumat yayıb. İlkin artım təxmini 0,9% idi, Fransa Mərkəzi Bankı isə indi ÜDM artımını cəmi 0,8% proqnozlaşdırır. Bu, 2023-cü ilin son rübündə gözləniləndən daha pis iqtisadi artımı əks etdirir.

Maraqlıdır ki, bu təxmin Fransa İqtisadiyyat, Maliyyə, Sənaye və Rəqəmsal Suverenlik Nazirliyinin vəd etdiyi 1% artımdan nəzərəçarpacaq dərəcədə aşağıdır. Lakin hökumət ilin əvvəlində parlamentdə səsvermə olmadan qəbul edilən 2024-cü il büdcəsinə daxil edilmiş proqnoza kəskin düzəlişlər etməyə məcbur olub.

Ötən il səlahiyyətlilər 2024-cü ildə iqtisadi artımın 1,4% olacağını gözləyirdilər. İqtisadiyyat departamentinin rəhbəri Bryuno Le Mer 2023-cü ilin sonunda büdcə gəlirlərinin planlaşdırıldığından 4,4 milyard avro az olduğunu etiraf edib və həmçinin büdcə kəsirinin səviyyəsinin əvvəllər elan edilmiş 4,9%-dən “xeyli yüksək” olacağını etiraf edib.

Bunun fonunda o, nazirliyin xərclərinin 10 milyard avro azaldılması planını həyata keçirəcəyini vəd edib. Parlament komitəsinin dinləmələrində dövlət hesablarına cavabdeh olan nazir nümayəndə Toma Kazenav 2025-ci ildə hökumətin 20 milyard avroya qənaət etmək üçün bir yol tapmalı olacağına aydınlıq gətirib.

Fransada 2020-ci ilin sonundan etibarən inflyasiya artmaqdadır. 2023-cü ildə ölkədə istehlak qiymətlərinin orta illik artımı 4,9% təşkil edib.

İlkin Nəcəfzadə
AzVision.az