İdmançımız dünya kubokunda medal qazanıb

  24 Noyabr 2018    Oxunub : 9328
İdmançımız dünya kubokunda medal qazanıb
Qılıncoynatmanın sablya növü üzrə milli komandamızın üzvü Cavanşir Ağakişiyev Tehranda keçirilən gənclər arasında dünya kuboku yarışlarında bürünc medal qazanıb.
Qrupda keçirdiyi 6 görüşdən 4-nü qalib başa vuran C.Ağakişiyev 1/16 finalda Qazaxıstan təmsilçisi Bakdaulet Kuralbekulini məğlub edib. Səkkizdəbir finalda türkiyəli Umut Kaya üzərində qələbə qazanan sablyaçımız növbəti mərhələdə Honkonq idmançısı Zau Jia Jin Kelvin Reylə görüşdən qalib ayrılıb. Yarımfinala yüksəlməklə dünya kubokunun bürünc medalını təmin edən qılıncoynadanımız belaruslu Maksim Pinçukla gərgin keçən görüşdə rəqibinə uduzub.

Qrupda keçirdiyi 6 görüşdən 4-nü qalib başa vuran digər təmsilçimiz Xalid Əsədov isə pley-offda Efran Şokouhiyə 10:15 hesabı ilə uduzub.

Azvision.az

Teqlər: