Şura sədri qeyd edib ki, bununla bağlı müraciət olunarsa, baxıla bilər.

Millət vəkilləri Əli Məsimli və Vahid Əhmədov isə bildirib ki, dollar kreditləri ilə bağlı təkliflər aidiyyatı qurumlara çatdırılıb.

Deputat Əli Məsimli AzVision.az-a açıqlamasında bildirib ki, aprel ayının 29-da həmkarı Vahid Əhmədovla birlikdə hazırladıqları təkliflər paketi 3 ünvana - Milli Məclisin sədrinə, Azərbaycan Respublikası Prezidentinin İqtisadi islahatlar üzrə köməkçisinə və Azərbaycan Respublikasının Maliyyə Bazarlarına Nəzarət Palatası Direktorlar Şurasının sədrinə göndərilib.

Millət vəkili qeyd edib ki, 29 apreldə göndərdikləri paket mayın 3-də Palatada qəbul olunub.

“Ola bilsin ki, bu məsələyə hələlik baxmayıblar. Amma məlumat onlara mayın 3-də çatıb. Bu barədə mətbuatda xeyli məlumat gedib. Ümumiyyətlə, dollarla kredit borcları olanlara güzəştlərin edilməsi məsələsi nə qədər tez həll olunarsa, bu həm banklar, həm də əhali üçün faydalı olar, narazılıq azalar, bankların işi yaxşılaşar. Həmçinin bu addım əhalinin banklara inamını artırar və bu da iqtisadiyyata güclü təkan verər. Ona görə də məsələnin həllinin sürətləndirilməsi banklar və əhali üçün sərfəlidir”-deyə Ə.Məsimli vurğulayıb.

Anar Kəlbiyev
AzVision.az