Döyülmə videosu ilə gündəmə gələn Ülkər İsayevanın keçmiş həyat yoldaşı Aydın Əhmədzadə son olaylara münasibət bildirib.

AzVision.az-a eksklüziv açıqlamasında A.Əhmədzadə keçmiş qayınatası, Xəzər Universitetinin rektoru Hamlet İsaxanlının onunla bağlı səsləndirdiyi ittihamlara cavab verib.

Onun sözlərinə görə, H.İsaxanlının fikirləri həqiqətə uyğun deyil, məlum videonun yayılmasında günahsızdır:

“Boş söhbətdir. Bu xəbəri də hamıdan gec mən bilmişəm və görəndə şok keçirdim”.

A. Əhmədzadə qeyd edib ki, Ü.İsayevanın videosunu o yaymayıb:

“Balamın anası ilə bağlı ömrümdə heç vaxt pis fikir bildirməmişəm. Bu məsələdə əli olan hər bir insan cəzasını almalıdır. Mən 4 aydır ki, Azərbaycandan köçmüşəm. Hazırda ABŞ-ın Mayami şəhərində yaşayıram.

Mən onun-bunun gizli kamera çəkilişləri ilə məşğul olmuram.

Ümidvaram ki, çox hörmət etdiyim Hamlet müəllim və prokurorluq orqanları günahkarları axtaracaqlar. İnanıram ki, bu videonu yayanlar məlum olacaq. Nə deyə bilərəm ki, Allah hamıya səbr versin”-deyə A.Əhmədzadə vurğulayıb.

Qeyd edək ki, Xəzər universitetinin rektoru Hamlet İsaxanlı qızının döyülməsi ilə bağlı videonun keçmiş kürəkəni tərəfindən yayıldığını bildirib.

AzVision.az Aydın Əhmədzadə və Ülkər İsayevanın toylarında lentə alınmış videonu təqdim edir:



Hafiz Əhmədov