Polis maşını cərimə meydançasına salındı

  18 Yanvar 2015    Oxunub : 2087
Polis maşını cərimə meydançasına salındı
Bakı şəhər Dövlət Yol Polisi İdarəsi əməkdaşlarının keçirdiyi reyd zamanı polis əməkdaşının idarə etdiyi avtomobil cərimə meydançasına aparılıb.
AzVision.az avtosfer.az-a istinadən xəbər verir ki, reyd zamanı saxlanılan “KİA” markalı, 90 NK 610 dövlət nömrə nişanlı avtomobilin 15-ə yaxın MMX radarının, bir o qədər də elektron protokol və ödənilməmiş cəriməsinin olduğu üzə çıxıb. Buna görə də, avtomobilin saxlanılıb duracağa qoyulması barədə qərar çıxarılıb. Reyd zamanı aşkar olunan həmin avtomobil yol hərəkətindən kənarlaşdırılaraq cərimə meydançasına aparılıb.

Avtomobili idarə edən şəxs özünü 11-ci polis bölməsinin əməkdaşı kimi təqdim edərək əvvəlcə sənədləri verməkdən imtina etsə də, DYP əməkdaşı ona sistemdə olan cərimələr barədə məlumat verəndən sonra maşının cərimə meydançasına aparılmasına razılıq verib.

Teqlər: