Vüsal Məmmədov

Varşavada azərbaycanlı həmkarı danışarkən durub ermənilərlə birlikdə ona
dal çevirən Xədicə İsmayıl indi gündəmin əsas qəhrəmanlarından biridir. Buna görə də ona bəzi suallar ünvanlayıb, məsələni xırDALamaq qərarına gəldik.

- Salam, Xədicə xanım. Necəsiniz?
- Belə də... Bir az DALağım sancır.

- Azərbaycandakı vəziyyəti Polşada necə təsvir etdiniz?
- Dedim ki, ölkədə vanDALizm baş alıb gedir...

- Ümumiyyətlə, Polşaya niyə getmişdiniz ki?
- Çünki bizi burada DALana dirəyiblər, sözümüzü deməyə imkan vermirlər... Dilimizi qanDALlayıblar. DalDALanmağa yer axtarırıq...

- Axı hamıdan çox danışanlardan biri elə sizsiniz!?..
- İstədik ki, niDALarımızı Avropada da eşitsinlər.

- Niyə iqtidarla da düşmənsiniz, müxalifətin böyük qismilə də?
- Çünki hərəsi meDALın bir üzüdür. Biri XırDALan pivəsidir, o biri NZS. Fərqləri bu qədərdir.

- Necə oldu ki, bəzi qalmaqallı məsələləri ancaq siz araşdırası oldunuz?
- Hər şeyin dərinliyinə DALmaq ehtirasım var... Elə uşaqlıqda DALğıc olmaq istəyirdim.

- Niyə həmişə dövlətimizin əleyhinə çıxırsınız?
- Fransız dövlət xadimi Eduard DALadye deyib ki, dövlətlə hökuməti qarışdırmayın.

- Yaxşı, hökumət pis nə edib ki?
- Bir vətəndaşlara baxın: qiDALanmağa çörək tapmırlar e... O qədər problem var ki, saDALamaqla qurtarmır.

- Tapırlar axı!
- Dedim ki, tapmırlar! Siz sadəcə, DALtoniksiniz! Həqiqəti görmürsünüz! Mən DALtoniklərə müsahibə vermirəm! Qurtardıq!

- Xədicə xanım... Belə olmaz axı...
- Dedim, qurtardıq, vəssalam - yoxsa sizinlə DALaşacağam!

- Yaxşı, hirslənməyin...
- Dedim ki, danışmayacağam sizinlə, çünki siz əDALətsizliyi müdafiə edirsiniz!

- Tamam... Onda bəlkə siyasətdən uzaqlaşaq...
- Hə, ya dərhal viDALaşırıq, ya da başqa mövzulara keçin! Mənə baDALaq gələ bilməzsiniz...

- Keçirəm. Ən çox sevdiyiniz mahnı hansıdır?
- Arım, balım, pətəyim, gülüm, DALım çiçəyim...

- Bəs ən sevdyiniz film?
- `101 DALmatines`. Hərçənd, `iDALqo` da pis film deyil... Biri it haqqındadır, o biri at.

- Ən çox sevdiyiniz şəhər hansıdır?
- DALlas.

- Sevdiyiniz müğənni?
- Mustafa SanDAL və DALida.

- Hansı rəssamı bəyənirsiniz?
- Salvador DALini.

- Arıqlamaq üçün nəsə edirsinizmi?
- Bəli. PeDAL fırladıram. Hər gün 2 saat DALbaDAL.

- Həyat deviziniz varmı?
- Var – hər şeyi qurDALamaq!

- Toylara gedirsinizi?
- Yox, `quDALar, ay quDALar` mahnısını eşidəndə qıcıqlanıram.

- Oxucularımıza son sözünüz?
- Heç nədən qorxmayın, DALınızda durmuşam!