Tənqidçilər və hüquqşünaslar isə sözügedən platforma və digər sosial media şirkətlərini, o cümlədən Meta Platforması, Twitter tətbiqlərini siyasi dezinformasiyanın və bölücü məzmunlu paylaşımların yayılmasının qarşısını almaq üçün çox az iş görməkdə ittiham edirlər.

“TikTok” 2019-cu ildən pullu siyasi reklamları qadağan etməsinə baxmayaraq, siyasi kampaniya aparan strateqlər siyasi məsələləri təbliğ etmək üçün nüfüzlu şəxslərə pul ödəməklə bu qadağanı pozdular.

“TikTok”-un ABŞ təhlükəsizliyi üzrə rəhbəri Erik Han isə brifinqdə jurnalistlərə deyib ki, ödənişli siyasi məzmunun dərc edilməsi tətbiqin siyasətinə ziddir.

"Biz bunu 2020-ci ildə bir problem olaraq gördük. Əgər bununla üzləşdiksə, demək ki bu problemi platformamızdan yox etməliyik", - Han deyib

O, məlum məsələnin yaratdığı boşluğu aradan qaldırmaq üçün davamlı olaraq brifinqlər keçirir.
Qeyd edək ki , ”TikTok” şirkəti öz qərarını Meta və Twitter-dəki oxşar yeniləmələrdən sonra yayımladı.
Facebook və Instagram-ın sahibi olan Meta, çərşənbə axşamı bəyan edib ki, siyasi reklam verənlərin seçkidən bir həftə əvvəl yeni reklamlar yayımlamasını məhdudlaşdıracaq. Bu qadağa 2020-ci ildə də qeydə alınmışdı.

Şəms Şahinli
AzVision.az