Ermənistanın müxalifət lideri ölkədən qaçıb? - FOTO

   Ermənistanın müxalifət lideri ölkədən qaçıb? -    FOTO
  28 May 2022    Oxunub:606
Ermənistanın "Müqavimət" hərəkatının liderlərindən biri, “Vətən” partiyasının sədri və Milli Təhlükəsizlik Xidmətinin (MTX) keçmiş rəhbəri Artur Vanetsyan gözlənilmədən xaricə gedib. AzVision.az xəbər verir ki, bu barədə yerli media məlumat yayıb.
İrəvanda bir gündə beşinci siyasi həbs
Bildirilir ki, Almaniyaya uçan təyyarədə olan Vanetsyanı sərnişinlərdən biri tanıyıb və onun şəkilini çəkərək paylaşıb.

"Vətən" partiyasının rəsmisi Sos Akopyan sosial şəbəkələrdə geniş müzakirələrə səbəb olan həmin fotonun yeni çəkildiyini təsdiqləyib. O, keçmiş MTX rəhbərinin sağlamlıqla bağlı problemlə üzləşdiyini deyib.

Qeyd olunur ki, Vanetsyan Avropaya qısamüddətli səfərə gedib. Akopyan onu da vurğulayıb ki, "Komandamız bu günə planlaşdırılan ümummilli mitinqdə iştirak edəcək və Artur Vanetsyan Ermənistana qayıdandan sonra mübarizəni davam etdirəcək".

Ermənistanda bir aydır davam edən vətəndaş itaətsizliyi aksiyaları pik həddə çatıb, İrəvan mitinqlərlə çalxalanır və belə bir mənzərə fonunda müxalifət liderlərinindən birinin Avropada peydə olması müəyyən suallar doğurur. Həmçinin bu gün ona yaxın siyasi həbs reallaşıb ki, bu da müxalifət liderinin ölkədən qaçmasına şübhə yaradıb", - məqalədə yazılıb.

Qeyd edək ki, müxalifət aprelin 25-dən başlayaraq Ermənistanda baş nazir Nikol Paşinyanın istefası tələbi ilə etiraz aksiyaları keçirir. Müxalifətçilər etirazlarına əsas kimi hakimiyyətin yürütdüyü uğursuz siyasəti göstərirlər. Onlar baş nazirin xarici siyasətinin ölkəni uçuruma sürüklədiyini, xalqı dövlətçiliyin itirilməsi ilə üz-üzə qoyduğunu iddia edirlər. Radikal müxalifətçilər aksiyalarda təxribatçı çağırışlar da edərək Azərbaycan ərazisində mövcud olmuş keçmiş separatçı rejimə qondarma bayraqlarla dəstəklərini ifadə edirlər.



Tural Tağıyev
AzVision.az

Teqlər:   Ermənistan   Müxalifət  







Xəbər lenti