AzVision.az Litva mətbuatına istinadla xəbər verir ki, agentliyin direktoru Gitis Andrulenis mətbuat konfransında bildirib ki, yan təsirlərin orta illik göstəriciləri vurulmuş vaksinlərin ümumi sayının cüzi hissəsini təşkil edib. Ötən il ölkədə COVID-19 əleyhinə 4,13 milyon doza vaksin istifadə edilib. Məlumatların 94 faizini yüngül yan təsirlər təşkil edib, halların əksəriyyəti geniş istifadə olunan “Komirnati” və “Vaksevriya” vaksinləri ilə bağlı olub. Ümumilikdə 407 məlumat ciddi yan təsirlərlə bağlı olub.
Gitis Andrulenis COVID-19 əleyhinə vaksinasiyadan sonra ölüm hadisəsinə dair 29 məlumatın qeydə alındığını söyləyib: “Həyatını itirənlərin orta yaşı 75-dir. Onların əksəriyyətinin xroniki xəstəlikləri olub. Bu ölümlərin vaksinlə əlaqəsi müəyyən edilməyib”.
AzVision.az