"Gəncədə dəhşətli cinayətin izlərinin şahidi oldum" - Ukraynalı deputat

"Gəncədə dəhşətli cinayətin izlərinin şahidi oldum" -   Ukraynalı deputat
  17 Oktyabr 2021    Oxunub:1059
Gəncəyə səfər zamanı belə dəhşətli görüntülərlə qarşılaşacağımı bilmirdim. Burada dəhşətli cinayətin izlərinin şahidi oldum. Dinc sakinlərin evləri dağıdılıb, insanlar həlak olub. Bu, müharibə cinayətidir.
AzVision.az xəbər verir ki, bu sözləri Gəncəyə səfər edən ukraynalı deputat Vladimir Kredenko deyib.

“Dinc insanların öldürülməsi, başqasının ərazisinə iddia etmək yolverilməzdir”, - deyə deputat bildirib.

Qeyd edək ki, ölkəmizdə səfərdə olan Ukrayna Ali Radasının Azərbaycanla parlamentlərarası dostluq qrupunun üzvləri Ermənistan silahlı qüvvələrinin Gəncəni raket atəşinə tutması nəticəsində dağılan əraziyə baş çəkiblər.

Azərbaycanın ikinci böyük şəhəri Gəncə 4, 5, 8, 11 və 17 oktyabr tarixlərində raket və ağır artilleriya hücumlarına məruz qalıb. Aralarında qadın və uşaqlar da olmaqla 26 mülki şəxs həlak olub, 175 nəfər isə yaralanıb. Şəhərdə mülki infrastruktur obyektlərinə, tarix-mədəniyyət abidələrinə, o cümlədən nəqliyyat vasitələrinə külli miqdarda ziyan dəyib.

AzVision.az



Teqlər: Gəncə  





Xəbər lenti