Türkiyə hərbçiləri 1056 terrorçunu məhv edib

  13 May 2021    Oxunub :1951
Türkiyə hərbçiləri 1056 terrorçunu məhv edib
Bu ilin 23 aprel tarixində başladılan "Pəncə Şimşək" və "Pəncə İldırım" əməliyyatlarında indiyə qədər 1056 terrorçu zərərsizləşdirilib.
Azvision.az xəbər verir ki, bunu Türkiyənin milli müdafiə naziri Hulusi Akar bildirib. O deyib ki, Türkiyə Silahlı Qüvvələrinin komandirləri gecə boyunca Şırnakdakı mərkəzdən əməliyyatlara nəzarət ediblər.

Əməliyyatların planlaşdırıldığı kimi davam etdiyini deyən Akar, 1 yanvar tarixindən bəri zərərsizləşdirilən terrorçuların ümumi sayının 1056 nəfər olduğunu vurğulayıb.

O, əməliyyatların ən son terrorçu zərərsizləşdirilənə qədər davam edəcəyini bildirib. Akar terrorçulara məxsus çox sayda silah və sursatın da ələ keçirildiyini əlavə eedib.

"Həm ölkəmizi, həm də iraqlı qardaşlarımızı terror bəlasından qurtarmaq əsas hədəfimizdir".

Pərvanə Sultanova
Azvision.az

Teqlər: HulusiAkar