Yüzlərlə polis Paşinyanın evini nəzarətə götürdü- VİDEO

  26 Fevral 2021    Oxunub : 2163
 Yüzlərlə polis Paşinyanın evini nəzarətə götürdü-   VİDEO
Ermənistanda siyasi gərginlik artmaqdadır.
Azvision.az xəbər verir ki, bu gün xeyli sayda polis əməkdaşı baş nazir Nikol Paşinyanın ailəsinin təhlükəsizliyini təmin etmək işlərinə cəlb edilib.

Bu barədə məlumat yayan erməni Teleqram kanalları avtobuslarla gətirilən yüzlərlə polisin Nikol Paşinyanın şəxsi evinin qarşısında keşik çəkdiyini bildiriblər. Qeyd edilib ki, əslində baş nazirin təhlükəsizliyi ilə başqa bir qurum məşğul olmalıdır.

Hazırda İrəvanın Baqramyan prospektində Ermənistanın baş naziri Nikol Paşinyanın istefası tələbilə mitinq keçirilir.



Xatırladaq ki, dünən Ermənistan Silahlı Qüvvələrinin Baş Qərargahı Nikol Paşinyanın istefasını tələb edən bəyanat yayıb. Bundan sonra “Vətənin qurtuluşu hərəkatı” İrəvanın Azadlıq meydanında mitinq keçirib, ardınca yürüş iştirakçıları Baqramyan prospektini bloklayıblar.

Tural Tağıyev
Azvision.az

Teqlər: Ermənistan   Paşinyan