“Məcburi köçkünlərə verilən müavinətdən vəsait tutulmayıb” - Açıqlama

 “Məcburi köçkünlərə verilən müavinətdən vəsait tutulmayıb” -  Açıqlama
  26 Fevral 2021    Oxunub:1761
“Sosial şəbəkələrdə və bəzi internet media resurslarında məcburi köçkünlərə verilən vahid aylıq müavinətdən “YAŞAT” Fonduna 5 manat məbləğində pul tutulması barədə xəbər yayılıb".
Qaçqınların və Məcburi Köçkünlərin İşləri üzrə Dövlət Komitəsindən Azvision.az -a verilən məlumata görə, bu xəbər həqiqəti əks etdirmir və məcburi köçkünlərə verilən vahid aylıq müavinətdən “YAŞAT” Fondu üçün vəsait tutulmayıb:

“Müvafiq qayda əsasında, hər bir məcburi köçkün üçün ayrılmış vəsait onun üzvü olduğu ailənin başçısının adına açılan bank hesab kartına köçürülür. Müqavilə öhdəliyinə görə, bank tərəfindən yalnız kart hesabına illik xidmət haqqı ödənilməsi nəzərdə tutulub.

Dövlət Komitəsi vətəndaşlardan və media qurumlarından cəmiyyətin həssas təbəqəsi olan məcburi köçkünlərlə bağlı yanlış məlumatları yaymaqdan çəkinməyi xahiş edir”.

Azvision.az



Teqlər: Qaçqınkom  





Xəbər lenti