Türkiyədən Çinə üçüncü ixrac qatarı sabah yola düşəcək
Qatar sabah Rusiyaya gedəcək blok ixrac qatarından sonra yola düşəcək. Türkiyədən Çinə ilk blok qatarı 4 dekabr 2020-ci ildə İstanbuldan yola salınıb.
Bor maddəsi 42 konteynerdə Çinin Xian şəhərinə nəql ediləcək. Bor yüklü qatarın daxili səfəri Ankara-Sivas-Qars marşrutundan başlayacaq və Gürcüstan-Azərbaycan-Xəzər dənizi keçidindən sonra Çində bitəcək.
Çinə yolçuluq 12 gün davam edəcək. Səfər zamanı 2 qitə, 2 dəniz və 5 ölkədən keçiləcək.
Türkiyənin enerji və təbii qaynaqlar naziri Fatih Dönmez və nəqliyyat və infrastruktur naziri Adil Karaismailoğlu sabah saat 10:00-da Ankarada qatarı yola salacaqlar.
Pərvanə Sultanova
Azvision.az
Teqlər: Çin