Karantin postunda saxlanılan maşında nərə balıqları aşkarlandı

  24 Yanvar 2021    Oxunub : 1191
Karantin postunda saxlanılan maşında nərə balıqları aşkarlandı
Quba Rayon Polis Şöbəsinin (RPŞ) əməkdaşları xüsusi karantin rejimi ilə əlaqədar rayon ərazisində qurulmuş postda Xaçmaz rayonu Xudat şəhər sakini Telman Vəliyevin idarə etdiyi nəqliyyat vasitəsini saxlayıblar.
DİN-in Mətbuat Xidmətinin Quba rayonu üzrə regional qrupundan Azvision.az -a verilən məlumata görə, şöbə əməkdaşları sürücünün sənədlərini yoxladıqdan sonra nəqliyyat vasitəsinin yük yerinə baxış keçiriblər. Bu zaman oradan T.Vəliyevə məxsus qanunla ovlanması qadağan edilmiş ümumi çəkisi 20 kiloqrama yaxın beş ədəd nərə balığı aşkar edilib.

T.Vəliyev qanunvericiliyə uyğun olaraq saxlanılaraq şöbəyə gətirilib.

Faktla əlaqədar Quba Rayon Polis Şöbəsində araşdırmalar davam etdirilir.

Azvision.az

Teqlər: DİN   Karantin   Post   Maşın   Balıq