Baş Prokurorluğun “Facebook” səhifəsi mavi nişanla təsdiqləndi

  26 Noyabr 2020    Oxunub : 987
Baş Prokurorluğun “Facebook” səhifəsi mavi nişanla təsdiqləndi
Hazırda sosial şəbəkələr informasiya mübadiləsində ən önəmli vasitələrdən birinə çevrilib. Azərbaycan Respublikası Baş Prokurorluğunun mətbuat xidməti prokurorluq orqanlarının fəaliyyətinə dair məlumatların operativ şəkildə əhaliyə, o cümlədən kütləvi informasiya vasitələrinə çatdırılması üçün "Facebook", "Instagram", "Twitter", "YouTube", "Telegram" və "LinkedIn" sosial şəbəkələrindən istifadə edir.
Baş Prokurorluğun mətbuat xidmətindən Azvision.az -a bildirilib ki, noyabrın 26-da Azərbaycan Respublikasının Baş Prokurorluğunun "Facebook" səhifəsi rəsmi olaraq mavi nişan vasitəsilə təsdiqlənib. “Verified Page”, yəni təsdiqlənmiş səhifə mənasını bildirən mavi nişanın köməyi ilə orijinal səhifə saxta səhifələrdən asanlıqla ayırd edilir.

Məsələ ilə bağlı Baş Prokurorluğun mətbuat xidməti ilə əlaqə saxlayan zaman qurumdan "Facebook" səhifəsinin rəsmi olaraq mavi nişan vasitəsilə təsdiqlənməsinə Azərbaycan Respublikası Rabitə və Yüksək Texnologiyalar Nazirliyi yanında Elektron Təhlükəsizlik Xidməti tərəfindən yardım olunduğu bildirilib.

Azvision.az

Teqlər: Prokurorluq  






Azvision.az ©2014 | Bütün hüquqları qorunur