“Apple” şirkətinin rəhbəri milyarder oldu

  11 Avqust 2020    Oxunub : 1372
“Apple” şirkətinin rəhbəri milyarder oldu
Amerikanın “Apple” şirkətinin rəhbəri Tim Kuk milyarderlər siyahısına daxil olub.
Azvision.az xəbər verir ki, bu barədə “Bloomberg” məlumat yayıb.

“Bloomberg Billionaires Index”ə görə, “Apple” səhmlərinin dəyəri təxminən 5% artdıqdan sonra onun sərvəti 1 milyard dolları keçib. Hazırda şirkətin bazar dəyəri 2 trilyon dollardır.

Kuk təxminən 375 milyon dollar dəyərində 848 min “Apple” hissəsinə sahibdir.

Məlumdur ki, 2020-ci ilin yanvar ayından etibarən şirkətin səhmlərinin qiyməti 1,5 dəfə artıb və 7 avqustda keçirilən hərracın sonunda onların dəyəri bir səhm üçün 444,45 dollara çatıb.

Pərvanə Sultanova
Azvision.az

Teqlər: Apple