Sarkisyan aprel döyüşləri ilə bağlı sualları cavablandıracaq
Azvision.az xəbər verir ki, Sarkisyan fövqəladə vəziyyət rejimi bitəndən sonra mətbuat konfransı keçirərək bütün suallara aydınlıq gətirəcəyini deyib.
“Eyni görüşdə jurnalistlər və mən növbəti mətbuat konfransımın mövzusunu - 2018-ci ilin aprel hadisələri, Qarabağ məsələsi və ya başqa bir mövzu seçə biləcəyik", - Sarkisyan deyib.
Sabiq prezident bütün detalları təqdim edərək suallara doğru cavab verməyə hazır olduğunu vurğulayıb.
"Bəli, keçmişə qayıdış olmayacaq, amma Ermənistanın tarixinin 2018-ci ilin aprel ayında başlamadığını anlamalıyıq. İrəli addımlamaq üçün keçmişin bütün məsələlərini aydınlaşdırmalıyıq".
Qeyd edək ki, Serj Sarkisyan 2008-ci ildən 2018-ci ilə qədər Ermənistanın prezidenti olub. "Məxməri inqilab" adlandırılan 2018-ci ilin aprel hadisələri nəticəsində yenicə seçildiyi baş nazir postundan istefa verib.
Pərvanə Sultanova
Azvision.az
Teqlər: Sarkisyan