Ukrayna distant təhsilə hazır deyil - Zelenski
Prezident koronavirusun ikinci dalğasının qarşısını almağa və uşaqların sentyabrın 1-dən məktəblərə gedə biləcəyinə ümid etdiyini vurğulayıb.
Bundan əvvəl, Ukraynanın Milli Təhlükəsizlik və Müdafiə Şurasının katibi Aleksey Danilov bildirib ki, payızda koronavirus səbəbindən məktəblər distant təhsilə keçə bilər.
"Dünyada COVID-19-a görə nələrin baş verdi məlumdur, buna nəzarət etmək çox çətindir. Ukrayna da istisna deyil. Sentyabrdan danışarkən, prinsipcə, distant təhsilə texniki cəhətdən hazır deyilik. Bütün ölkə daxilində 3G və 4G-lərin olması lazımdır. Əlaqə həqiqətən yaxşılaşır. Lakin distant təhsilə nə qədər hazır olduğumuzu hələ bilmirəm", - deyə Zelenski əlavə edib.
Xatırladaq ki, Ukrayna Səhiyyə Nazirliyi indiyədək ölkədə 51 224 nəfərin koronavirusa yoluxduğunu, 1327 nəfərin isə bu virusdan öldüyünü açıqlayıb.
Pərvanə Sultanova
Azvision.az
Teqlər: PrezidentVladimirZelenski