ÜST rəsmisi: “İkinci dalğadan qorxmaq lazım deyil”

  22 May 2020    Oxunub : 2761
      ÜST rəsmisi:    “İkinci dalğadan qorxmaq lazım deyil”
"İkinci dalğadan qorxmaq lazım deyil. Nə qədər çox dalğa olarsa, biz virusa qalib gələ bilərik".
Azvision.az xəbər verir ki, bunu Ümumdünya Səhiyyə Təşkilatının Azərbaycandakı nümayəndəsi Hande Harmancı REACT-C19 layihəsinin ilkin nəticələrinə dair keçirilən mətbuat konfransı deyib.

Onun sözlərinə görə, yumşalma tədbirlərindən sonra yoluxma sayında artım var.

"Lakin bunun ikinci və ya üçüncü dalğa olmasını sonrakı müddətdə geriyə baxdığımızda görə bilərik. Bu gün üçün əsas məqam sosial məsafə və gigiyenik qaydalara düzgün əməl edilməsidir".

ÜST rəsmisi qeyd edib ki, insanların virusa yoluxub-yoluxmadığını təyin edəcək yeni testlər çıxıb: "Hər bir ölkə yeni test dəstləri almağa təşəbbüs göstərir. Azərbaycan streoloji testlər almağa da üstünlük verir. Laboratoriyaların sayı isə gün-gündən artır".

Aytən Zəhra
Azvision.az

Teqlər: ÜST