"Mahir Quliyev barəsində fikrim təhrif olunub" - Deputat

"Mahir Quliyev barəsində fikrim təhrif olunub" -  Deputat
  05 May 2020    Oxunub:2975
Biləsuvar rayon İcra Hakimiyyətinin sabiq başçısı və hazırda həbsdə olan Mahir Quliyev barəsində fikrim təhrif olunub və həqiqətə uyğun olmayan şəkildə təqdim edilib. Qeyd olunan mövqe tərəfimdən qəbul edilmir və birmənalı şəkildə rədd edilir.
Azvision.az xəbər verir ki, bunu ​Milli Məclisin deputatı​​​​​ Bəhruz Məhərrəmov deyib.

"Mən ixtisasca hüquqşünas olaraq aparılan araşdırmanın nəticəsini gözləməyi tövsiyə etmişəm, çünki biz cənab Prezidentin rəhbərliyi altında hüquqi dövlətdə yaşayırıq və təqsirləndirilən şəxsin barəsində son qərar məhkəmə tərəfindən qəbul ediləcəkdir.

Lakin bu, o demək deyil ki, sabiq icra başçısı qeyd olunan əməlləri törətməyib. Mahir Quliyev ilk növbədə ona göstərilən etimadı doğrultmamış, cənab Prezidentin korrupsiya və digər mənfi hallara qarşı mübarizə apardığı bir dövrdə bu əməlləri törətmiş və törədilməsinə şərait yaratmışdır. Buna görə də yerli sakinlər haqlı olaraq onun fəaliyyətindən ciddi narazı olmuş və bu barədə əsaslı müraciətlər etmişdir.

Bunun nəticəsidir ki, hazırda onun barəsində kifayət qədər təkzib olunmaz sübutlar olduğuna görə onun haqqında tamamilə doğru olaraq Azərbaycan Respublikasının Cinayət Məcəlləsinin 179, 308 və 311-ci maddələri ilə cinayət işi istintaq edilir və barəsində əsaslı olaraq məhkəmə tərəfindən həbs qəti imkan tədbiri seçilmişdir. Bütün günahkar şəxslər Azərbaycan məhkəməsi qarşısında cəzalarını alacaqlar", -deyə deputat açıqlamasında bildirib.

Azvision.az


Teqlər: Deputat  





Xəbər lenti